Црна хроника
Велешкиот суд потврди дека ќе има четврто судење за Ореше
Велешкиот суд потврди дека Апелациониот суд во Скопје ја укина ослободителната пресуда за случајот Ореше и дека ќе има повторно судење за овој процес во велешкиот суд.
Во велешкиот суд сé уште не стигнал предметот, но очекуваат да стигне многу скоро.
Судот во Велес донесе ослободителна пресуда за браќата Ордан и Љубе Ѓорѓиевски, обвинети дека го убиле Лазо Милошевски и за Ѓоре Петровски, кој долго време живеел во САД, а беше обвинет дека е нарачател на убиството.
Браќата беа двапати осудени на 12 години затвор, а пролетва добија ослободителна пресуда. Заштитениот сведок Златко Арсовски „Бреза“ го промени текот на судењето кога го откри својот идентитет и изјави дека не било вистина тоа што го кажувал дека браќата се извршители на убиството, а Петровски нарачател, туку дека бил присилен да го каже ова под притисок на безбедносните служби.
Во четвртокот беше пуштен во куќен притвор новинарот на весникот „Нова Македонија“, Томислав Кежаровски, кој беше обвинет дека го открил идентитетот на заштитениот сведок во овој случај.
Новинарот беше уапсен во акцијата „Ликвидација“ во која што беа уапсени и судии, обвинители, адвокати вклучени во случајот Ореше. Во 2005 година беше убиен 71-годишниот Лазо Милошевски од велешкото село Ореше, но сè уште не е откриено кој го убил старецот./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
71-годишна жена е хоспитализирана откако jа нападнале две лица
Денеска од Градската општа болница „8. Септември“ било пријавено дека кај нив за укажување лекарска помош дошла 71-годишна жена од Скопје.
Според пријавеното во МВР, таа се здобила со повреди вчера околу 20.30 часот при физички напад од лицата Ф.Г. и М.Н..
Се преземаат мерки за расчистување на случајот.
Црна хроника
Жена нападната од сопругот во Ѓорче Петров
Триесет и четиригодишна жена пријавила дека во домот на подрачјето на Ѓорче Петров била физички нападната од нејзиниот сопруг М.П.(28) од Скопје.
Се преземаат мерки за расчистување на случајот.
Црна хроника
Дете нападнато од неколку соученици во Скопско
Малолетно момче вчера на пладне било нападнато од неколку соученици во Булачани, Скопско.
Случајот во полицијата го пријавил таткото на детето.
Од МВР велат дека се преземаат мерки за расчистување на случајот.