Црна хроника
Повеќе од 300 уапсени во глобалната истрага за детска порнографија
Во операцијата за пресекување на канал распространувањето детска порнографија, којашто е започната пред две години во Канада, уапсени се 348 луѓе низ светот.
Шефот на полицијата на канадската полиција во Торонто Вилијам Блер ноќта во петокот по македонско време објави дека се уапсени вкупно 348 луѓе, о кои 108 во Канада, 76 во САД и 164 во други земји од Шпанија до Австралија, по речиси тригодишната истрага водена за компанија од Торонто која дистрибуирала порнографија со деца.
„Истражителите ги загрижи бројот уапсени кои биел во близок контакт со деца. Меѓу уапсените се 40 учители, девет лекари и медицински сестри, 32 лица кои волонтирале во работа со деца, шест припадници на сили на редот, девет пастори или свештеници и три вдомувачи“, изјави на прес-конференцијата Џоана Биејвен-Дежарден, водител на одделот за сексуални злосторства во полицијата на Торонто.
Истрагата во којашто учествувале околу 30 национални полиции, меѓу кои и полициите на Австралија, Шпанија, ирска, Грција, Јуѓжна Африка, Хонгконг, Мексико, Норвешка и САД, довела до спасување на 386 деца, до коишто повеќето уште не биле влезени во пубертет, додала.
Полицијата почнала да ги истражува активностите на компанијата „Azov Films“ од Торонто и на нејзиниот сопственик Брајан Веј во октомври 2010 година која во 2011 година му донела приход од околу 4 милиони канадски долари. Според полицијата, 42-годишниот сопственик на компанијата, организирал снимање на голи деца на возраст од 5 до 12 години, кои се занимавале со гимнастика или други видови физичка активност. На таа основа филмовите со учество на децата би можеле да се сметаат за легални во Канада и во САД.
Притоа поштенската истражна служба на САД помогнала да се пребарува базата податоци на компанијата за да се дојде и до производителите и до консументите на детската порнографија.
Снимањата се одвивале во Германија, Романија и Украина. Кога е затворен сајтот Azovfilms.com, биле конфискувани 45 терабајти информации.
Меѓу луѓето коишто ги снимале децата се и тренер на јуниорска бејзбол екипа во американската сојузна држава Вашингтон кој направил повеќе од 500 филмови и вработен во училиште во државата Џорџија кој поставил камера во бањата за ученици за да ги слика нивните гениталии, изјавил инспекторот Џералд О’Фарел од поштенската истражна служба на САД.
Во истрагата се пронајдени повеќе од 350.000 фотографии и 9.000 видео снимки на сексуално злоставување на деца, а апсењата продолжуваат./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.