Црна хроника
Бугарка се обидела да прошверцува 1500 парчиња Swarovski
Бугарски државјани се обиделе да прошверцуваат околу 1500 парчиња накит Swarovski.
Во понеделникот околу 9 часот царинските службеници на граничниот премин Деве Баир спречиле обид за шверц на вреден накит.
Накитот бил пронајден во пет патни торби покриени со каталози со накит, иако бугарскиот државјанин кој управувал со автомобилот и неговата сопатничка, бугарска државјанка рекле дека немаат ништо за пријавување и одат туристички за Скопје на три дена.
Пронајдени се 1449 парчиња накит Swarovski кристали, приврзоци, апликации и монистри тешки четири килограми.
Непријавената стока е привремено задржана, според првичните проценки нејзината вредност изнесува 420 илјади денари, а избегнати царински давачки се околу 125 илјади денари, а во малопродажба вредноста би се зголемила и за три пати.
Бугарката се претставувала како менаџер за Swarovski за дел од балканските земји – Бугарија, Македонија и Србија.
Во Македонија доаѓала да го презентира накитот кој не е нејзина сопственост и не е наменет за продажба, туку од фирмата каде е вработена и бил даден како презентациски материјал. Но, осомничената не поседувала официјална покана за презентација во Македонија ниту пак имала обавени контакти за организација на презентацијата.
Против нејзе Царинска управа поднесе кривична пријава за сторено кривично дело криумчарење затоа што со намера да ја избегне царинската контрола пренесе стока со поголема вредност./крај/со/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.