Црна хроника
Запленет кокаин вреден 60 милиони евра во Италија
Италијанската финансиска полиција соопшти дека во средата запленила 283 килограми чист кокаин кон на црниот пазар би чинел околу 60 милиони евра, а бил сокриен во контејнери со банани.
Дрогата којашто е запленета во пристаништето во Џенова била „наменета за илегалниот пазар во централна Италија и во малопродажбата би чинела 60 милиони евра, соопшти италијанската полиција.
Истражителите се посомневале затоа што извозник бил компанија од Доменканската Република кој никогаш претходно не работел преку пристаништето во Џенова. Благодарејќи на скенерите, полицијата и царинските служби во двојното дно од контејнерот пронашле „241 пакет кокаин со извонреден квалитет и чистота“, со вкупна тежина од 283 килограми“.
Истрагата продолжува за да се разоткријат сите учесници во криумчарска мрежа, соопшти италијанската финансиска полиција./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.