Црна хроника
Летово се зголемил бројот на сообраќајки во охридско, се намалил бројот на кривични дела
Летово, во текот на туристичката сезона во Охрид СВР Охрид регистрира вкупно 128 казнени дела, кражби на куќи и станови, кражби на плажи во автобуси, на улица. Регистрирани се 76 прекршоци, а се случиле вкупно 108 сообраќајки.
Казнените и прекршочните дела се намалени во однос на минатата година, но бројот на сообраќајки ќе зголемен за 23 проценти. Во сообраќајките четири лица загинале, настрадале 17 возачи, 28 сопатници, девет пешаци, четири моторциклисти и четири велосипедисти. Вкупно 47 лица се здобиле со лесни а 14 со тешки телесни повреди. Тоа е намалување за 14 односно 12 проценти во однос на истиот период минатото лето, информираат од СВР Охрид.
Според анализите, непочитувањето на сообраќајните правила и прописи и преголемата брзина се основните причини за сообраќајните несреќи. Следуваат непрописно престигнување, неотстапување на првенство, недржење страна, правец и растојание, управување под дејство на алкохол и неправилно движење на пешак.
Во Јули и Август, во Охрид регистрирани се 128 казнени дела што преставува намалување за 15 отсто во однос на 150-те казнени дела регистрирани во истиот период лани. Во расветлувањето на казнените дела, СВР Охрид остварила ефикасност од 63 проценти што е зголемување од минатогодишната за истиот период од 48 проценти.
Летово, СВР Охрид регистрира 10 тешки кражби во куќи и станови, 16 кражби на плажи, 2 кражби во патнички моторни возила, 9 кражби од автобуси и 12 казнени дела извршени на улица. Сите сторители се пронајдени и против нив поднесени се кривични пријави. Најчесто се одземаа мобилни телефони, паричници, лап-топ компјутери и паричници од плажите а нафта од автобусите. Од домовите и становите се одземаа пари, накит и бела техника.
„Во делот на јавниот ред и мир, немаше нарушувања од поголем обем како и казнени дела со елементи на насилство. Во Јули и Август годинава, регистрирани се 76 прекршоци што преставува намалување во однос на 135 прекршоци извршени во истиот период лани. За 47 проценти намален е бројот на сторителите на овие прекршоци“ соопштуваат од СВР Охрид./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.