Црна хроника
Шиповиќ во вторник пред истражен судија
Претседателот на советот на општина Центар, Мирослав Шиповиќ осомничен за криминал во „Машинорпомет“ во вторник ќе биде изведен пред истражен судија, каде ќе биде сослушан, соопштуваат од Кривичниот суд.
„На ден 22.11.2013 година во 12:00 часот во Основниот суд Скопје 1 Скопје примено е известување од Министерството за внатрешни работи дека обвинетиот Мирослав Шиповиќ е екстрадиран во Р.Македонија и истиот е спроведен во Затвор-Скопје Скопје.
Истражниот судија кој постапува по предметот во координација со Основното Јавно Обвинителство Скопје и бранителот на обвинетиот, закажа сослушување на обвинетиот Мирослав Шиповиќ за ден 26.11.2013 година“, соопштуваат од Судот.
Шиповиќ беше екстрадиран доцна синоќа од Виена./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.