Црна хроника
Градоначалниците во Македонија, вината ја презел адвокат од Благоевград
Адвокат од Благоевград ја презел вината за најдените куршуми во автомобилот со којшто се превезуваа двајцата македонски градоначалници, Ратко Димитровски, градоначалник на Кочани и Емил Дончев, градоначалник на Виница, јавува бугарската агенција БГНЕС.
Тој рекол дека куршумите се негови и дека заборавил да ги земе од автомобилот. Градоначалникот на Виница во изјава за Плусинфо вели дека кога се враќале во Македонија со нив во автомобилот бил нивни пријател од Бугарија кој имал купено ловечки куршуми и ја оставил во касетата, во предната фиока во автомобилот.
Според него, Бугаринот го оставиле на излезот од Благоевград, но тој заборавил да си ја земе муницијата.
Пријателот потврдил дека куршумите се негови и дека биле повикани во полиција како сведоци. Утрово сведочеле во судот и се вратиле во Македонија.
Бугарската агенција Фокус во четвртокот наутро јави дека градоначалникот на Кочани, Ратко Димитровски и на Виница, Емил Дончев, биле приведени синоќа околу 19.30 часот на бугарската граница со Македонија, на граничниот премин Станке Лисичково откако во автомобилот „ситроен“ со македонски регистерски таблици со кој се превезувале градоначалниците, откриени биле 20 ловечки куршуми и кутија со 100 ловечки куршуми, калибар 22.
Градоначалниците се враќале од средба на градоначалниците и бизнисмени којашто се одржа во Благоевград под мотото „Бизнис без граници“, чија цел е интензивирање на партнерските односи меѓу соседните општини./крај/бг/пи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.