Црна хроника
Запленети 195 штеки цигари на Блаце
Обид за шверц на 195 штеки цигари спречен е во изминатиот викенд на граничен премин Блаце од страна на царинските инспектори од специјалната оперативна единица.
На граничниот за влез во Република Македонија за царинска контрола се пријавил автобус со турски регистарски ознаки, сопственост на турската транспортна компанија кој сообраќа на редовна линија од Република Косово за Република Турција и обратно. Во автобусот како член на посадата патувало и осомниченото лице – црногорски државјанин. На прашање од страна на царинските инспектори од Одделението за оперативни работи дали има нешто да пријави за царинска контрола осомничениот одговорил дека нема ништо за пријавување. При контрола на автобусот во сандакот кој се наоѓа веднаш зад задното лево тркало, пронајдени се 195 штеки цигари со косовски акцизни маркици покриени со кафеав картон. За пронајдените цигари осомниченото лице изјави дека се негова сопственост. Во спроведената предистражна постапка утврдено е дека осомниченото лице работи како член на посадата во турското транспортно претпријатие веќе два месеци. Лицето претходно, на 05.12.2013 година во Софија, Бугарија се договорил со лице бугарски државјанин да донесе цигари во Бугарија за кои би добил и парична награда откако ќе ги предаде истите. Според договорот осомничениот требало да ги предаде цигарите на лицето бугарски државјанин, на ден 08.12.2013 година. Осомничениот, цигарите ги набавил на 06.12.2013 година во Косово од лице косовски државјани. Истиот ден, ги отворил двата штрафа од сандакот кој се наоѓа веднаш зад задното лево тркало на автобусот и во него ги сокрил 195 – те штеки цигари, кои потоа ги покрил со кафеав картон. Цигарите не ги пријавил од причина што мислел дека царинските службеници нема да ги пронајдат. На ваков начин пријавениот со намера да стекне поголема имотна корист се обидел да пушти во акцизно-правен слободен промет тутунски добра-цигари без контролни маркички , со вкупна вредност од 119.925 денари при што избегнал плаќање на царина и други давачки ( царина, акциза и ДДВ) во вкупен износ од 180.815 денари.На сторителот му е одредена мерка притвор од 8 дена. Ова е прва изречена мерка притвор со примена на одредби согласно новиот Закон за кривична постапка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.