Црна хроника
Пријава за убиство во обид откако си ги прегази братот и соселанец
Скопската полиција, во консултации со надлежното Основно јавно обвинителство најави во неделата поднесување кривична пријава против 23-годишен жител на скопското село Јурумлери за сторено кривично дело „убиство во обид“ , кој мината седмица со своето возило прегази двајца соселани,
Инцидентот се случи на 70-ми декември, околу 3 часот наутро, кога лицето идентификувано со иницијалите ДМ, на регионален пат Скопје – Велес, поточно во селото Јурумлери, со својот автомобил „форд ескорт“, инаку сопственост на неговиот татко удрил во својот брат (Ј.М.) уште еден соселанец со иницијали В.Б.. Притоа од силината на ударот и двете прегазени лица се здобиле со тешки телесни повреди, а телесни повреди имал и самиот Д.М., како последица од претходна тепачка во која учествувале сите тројца, како и уште еден жител на Јурумлери и едно засега неидентификувано лица, по што сите беа префрлени во Ургентниот центар во Скопје за атамошно лекување.
Од налетот на возилото бил удрено уште едно лице, но странично и со послаб контакт од предниот лев дел на возилото во десната нога кое не се здобило со повреди, а при ударот странично паднал ово каналот покрај патот.
Според сознанијата на истрагата, претходно на денот на инцидентот околу 3 часот изутрината, сега пријавениот откако заедно со својот брат излегол од ноќниот клуб „Лалара“ за кратко влегол во тепачка во која учествувале тој, неговиот брат, а уште и другите три лица. Во тој момент, пријавениот влегол во возилото, го стартувал и со голема брзина, директно го насочил во правец на групата која ја сочинувале спомантите а кои во тој момент се тепале и со голема сила и брзина удрил во три од четирите лица, бидејќи четвртото, непознатото лице во последен момент за малку се спасило од удар.
Притоа Д.М. директно го прегазил и сопствениот брат, така што прво го удрил со возилото, по што со предните тркала преминал преку него и истиот по ударот, останал под возилото. Откако ги удрил, пријавениот излегол од возилото и погледнал под него, веднаш повторно влегол во возилото и го придвижил два метра наназад за да го тргне од телото на својот брат.
Од силината на ударот и поради тежината на повредите со кои се здобиле двајцата повредени тие и во моментов се на болничко лекување.
Истражителите извршиле изминативе денови службени разговори со пријавениот, повредените и третиот учесник во тепачката, за што се изготвени службени белешки во кои истите го појаснуваат случајот, а пријавениот потврдува дека со возилото го удрил својот брат и уште едно лице. Притоа, полицијата како доказ поседува и ЦД од надзорна камера на кое е снимена тепачката и намерниот удар во повредените./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.