Црна хроника
Ќе сведочи заштитениот сведок за петкратното убиство кај Смилковци
Ќе сведочи заштитениот сведок Е1 за петкратното убиство што се случи минатата година кај Смилковското езеро.
Сведокот ќе зборува пред судиите, обвинетите и адвокатите, неговиот лик на екранот ќе биде заматен, а гласот мутиран. Јавноста нема да присуствува на сведочењето.
Не е познато дали сведокот е директен очевидец на петкратното убиство на Смилковското Езеро, а неговиот исказ не смее да биде пренесен во јавноста.
Претходниот заштитен сведок во истрагата за случајот „Монструм“, Хаки Азири, побара да му го одземат статусот на сведок и сега е осомничен за помагање во тероризам.
Иако првично пред истражниот судија Азири рече дека на денот на убиството ги возел обвинетите Алил Демири и Африм Исмаиловиќ, кои му кажале дека убиле човек, се откажа од изјавата и негираше каква и да е поврзаност со петкратното убиство. Рече дека оваа изјава ја дал под притисок.
„Не ги прифаќам наводите во обвинението против мене. Изјавата пред истражен судија не сум ја дал по своја волја. Имав притисок. Се плашам за својот живот“, рече Азири.
Четирите момчиња и рибарот беа убиени на 12-ти април минатата година. Алил Демири, Африм Исмаиловиќ и неговиот брат Агим, се товарат дека се директни извршители на петкратното убиство, а Фејзи Азири и Рами Сејди се осомничени за помагање.
Двајцата првообвинети се сè уште во затвор во Косово и не се екстрадирани во Македонија.
Јавното обвинителство, пак, го прошири обвинението за уште едно лице, Сами Љута се товари дека на Велики Четврток минатата година им чувал стража на убијците кај Смилковци./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.
Топ
Обид за убиство во прилепскиот затвор: со нож избоден осуденик
Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид.
Од МВР информираа дека инцидентот се случил на 7 април во прилепскиот затвор, каде двајцата издржувале затворски казни.
Тие физички го нападнале осуденикот С.Ч., при што првопријавениот со нож му нанел убодна рана.
Црна хроника
Кривична за вработен во Национални шуми
Полицијата поднесе кривична пријава против Ј.Ш.(49) од Скопје, вработен во ЈП „Национални Шуми“, поради постоење основи на сомнение за сторени кривични дела „злоупотреба на службена положба и овластување“ и „фалсификување службена исправа“.
На 17.07.2023, пријавениот потпишал службена исправа во која внел неточни податоци за количината на натоварените дрва, со намера да се стекне со противправна имотна корист, објави МВР во дневниот билтен.