Црна хроника
Приведени петмина навивачи кои фрлаа по ракометарите
Полицијата приведе петмина навивачи на навивачката група на Вардар, Комити, кои фрлаа предмети на теренот на ракометниот натпревар Вардар-Металург.
Еден од нив е приведен пред започнувањето на натпреварот, а другите четири лица се приведени на натпреварот.
Навивачот приведен пред натпреварот во близина на базенот во рамки на СРЦ „Борис Трајковски“, бил пијан и ги навредувал полицајците со вулгарни зборови.
И останатите навивачи кои фрлаа на теренот биле пијани, а фрлале петарди, како и метални предмети.
Дел од предметите го погодија повредениот ракометар на Металург, Наумче Мојсоски, а погоден беше и ракометарот на Вардар, Тимур Дибиров кој заврши со раскрварена глава.
Против насилниците ќе бидат поднесени прекршочни пријави за насилство и ќе треба да платат казна за сторениот прекршок./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.
Црна хроника
Приведени крадци во Битола
Вчера, во Битола, полициски службеници од СВР Битола ги лишиле од слобода К. Б. (30) и Н. Б. (41), двајцата од Битола.
При претрес во домот на К. Б., извршен со судска наредба, биле пронајдени и одземени пари во разни апоени и повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.
А при претрес во домот на Н. Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.