Црна хроника
Нова потрага во охридско по исчезнатата Маја
Охридската полиција во раните утрински часови во средата започна уште една акција за преглед на поширокиот планински предел во општината Дебарца во потрага по малолетната девојка којашто е пријавена за исчезната на 12-ти ноември 2013 година.
Акцијата во средата се одвива во атарот на селото Велмеј, а се спроведува по наредба на јавен обвинител од Охрид.
Оваа полициска активност е поврзана со пребарување на планинските места за пронаоѓање на исчезнатата малолетна девојка од селото Лешани, која во СВР Охрид на 12-ти ноември минатата година беше пријавена како исчезнато лице од страна на нејзиниот татко.
Припадниците на СВР Охрид вршат пребарување на поширокиот планински појас околу местото Натнасер бачила и околните предели во атарот на селото Велмеј. Акцијата започна рано утрото, а во неа учествуваат повеќе полициски службеници од полициската станица Охрид.
СВР Охрид во изминатиов период презеде неколку вакви пошироки акции за пребарување на планинските предели над селото Лешани и околните села како и во планинскиот појас во правец на Славеј планина./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.