Црна хроника
Македонец уапсен на Батровци со над 23 килограми хероин
Во заедничка акција со полициските службеници при контрола на граничниот премин Батровци со помош на скенер српската царинска управа открила вкупно 23 килограми и 320 грама хероин во возило со германски регистарски таблички кое било управувано од германски државјанин со потекло од Македонија, соопштуваат од управата.
Припадниците на полицијата прво се посомневале дека има нешто скриено во возилото по што одлучиле да го стават на скенер каде било откриено дека под резервното тркало има скриен професионално изработен бункер каде се наоѓале 24 пакети со дрога, а исто толку биле откриени и под крилата на автомобилот.
Со наркотичен тест кој веднаш бил направен на местото се покажало дека станува збор за опојна дрога хероин.
Осомничениот веднаш е предаден на почициските службеници и во тек е истрага за случајот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против тетовец: ја држел својата снаа затворена во домот и ја тепал
СВР Тетово поднесе кривична пријава против 73-годишниот А.К. од Тетово, поради постоење основи на сомнение за сторени кривични дела „телесна повреда“ при семејно насилство и „загрозување на сигурноста“, извести МВР.
„Имено пријавениот, својата снаа ја држел затворена во домот, физички ја напаѓал во повеќе наврати и и нанел повреди“, соопшти МВР.
Црна хроника
Исчезна 17-годишник од установа за згрижување деца во Карпош
Вчера, во 13 часот, во Полициската станица Карпош од Јавната установа за згрижување на деца било пријавено дека од установата се оддалечил нивниот штитеник, 17-годишниот Ч. С., кој и претходно се оддалечувал и бил враќан, извести МВР.
Се преземаат мерки за пронаоѓање на лицето.
Црна хроника
Уапсен ученик во основно училиште во Влае: скршил дел од инвентар, физички нападнал соученици и двајца наставници
Вчера, во 12.40 часот, во основно училиште на подрачјето на населбата Влае во Скопје, полициски службеници од ЕВР ОКР Карпош лишиле од слобода ученик (штитеник од Јавната установа за згрижување деца) поради тоа што околу 10 часот во училиштето, откако претходно скршил дел од инвентар, физички нападнал и соученици и двајца наставници, а го скршил и мобилниот телефон на еден од наставниците, извести МВР.
По целосно документирање на случајот, ќе следува соодветен поднесок.