Црна хроника
Царината на Богородица задржа 1.200 чифта патики поради сомневање дека се фалсификат
При спроведената контрола, во возило меѓу пријавени обувки, царинските службеници во четвртокот навечер пронашле 1.200 чифта брендирани патики за кои се посомневале дека фалсификати. Доколку производите би се продавале како оригинали, би достигнале вкупна вредност од вредност од 120 илјади евра, информираше во понеделникот Царинската управа.
На 24-ти јануари, околу 20 часот, на Царинска испостава Богородица со транзитна декларација бил пријавен увоз на обувки со потекло од Кина, натоварени во товарно возило со македонски регистарски ознаки, управувано од македонски државјанин. Стоката која требало да транзитира низ територијата на Македонија била наменета за фирма увозник од Косово.
Поради основано сомневање дека стоката повредува права од интелетуална сопственост царинскиот орган привремено ја задржал и според Законот за заштита на права од интелектуална сопственост ќе поведе постапка за утврдување на оригиналноста на истата.
Новоназначената директорка на Царинската права, Наташа Радеска Крстевска во понеделникот ги посети царинските магацини на Богородица каде преку директна средба со царинските службеници се запозна со деталите за првата поголема заплена од нејзиното доаѓање на должноста./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.
Црна хроника
Малолетничка од Куманово нападната од соученик
Вчера велер во 21.32 часот во СВР Куманово, 36-годишната З.Ф. од Куманово, пријавила дека додека се враќала од училиште нејзината малолетна ќерка со остар предмет била нападната од нејзин соученик, извести МВР.
Се преземаат мерки за расчистување на случајот.
Црна хроника
Кривична против тетовец: ја држел својата снаа затворена во домот и ја тепал
СВР Тетово поднесе кривична пријава против 73-годишниот А.К. од Тетово, поради постоење основи на сомнение за сторени кривични дела „телесна повреда“ при семејно насилство и „загрозување на сигурноста“, извести МВР.
„Имено пријавениот, својата снаа ја држел затворена во домот, физички ја напаѓал во повеќе наврати и и нанел повреди“, соопшти МВР.