Црна хроника
Опожарени три возила во Битола
Три моторни возила била опожарени ноќта од среда кон четврток на три различни локации во Битола, јави телевизијата Тера.
Во периодот од 23:30 до 02:20 опожарени се Лада Нива на улицата Охридска, е Шкода на булеварот Први Мај и УАЗ џип исто така на улица Охридска.„ На сите три возила опожарена е внатрешноста. Во битолската полиција било пријавено од страна на граѓани. Извршен е увид. Полицијата работи по одреден сомненија“ вели за Тера Телевизија Магдалена Димитровска портпарол на СВР Битола. Во гасењето на опожарените возила учествувала и противпожарната единица на Битола.Ова не е прв пат да се палат возила низ градот. Пред извесно време ваков настан имаше во Нова Битола, а пред неколку месеци две возила речиси целосно изгореа на булеварот Први Мај. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.