Црна хроника
Спречен обид за шверц на 40 илјади евра
Специјалните единици при Царинска управа, во четврток на граничниот премин Табановце спречија обид за нелегално внесување на 40 илјади евра.
На 6-ти февруари 2014 година, на граничниот премин Табановце, околу 3 часот попладне, за влез во Република Македонија се пријави автобус со македонски регистарски ознаки, сопственост на македонска фирма – превозник, што сообраќал на линија Брисел-Скопје.
При царинска контрола на автобусот и патниците, кај еден од патниците, белгиски државјанин со иницијали Ф. А., специјалните единици од Одделението за оперативни работи пронајдоа 50 илјади евра. Непријавените девизи лицето ги сокрило во торбичка која ја носел на себе и во внатрешните џебови од палтото.
Со ова, согласно Законот за девизно работење (што предвидува дека нерезиденти можат слободно да внесат девизни средства и чекови во висина од 10 илјади евра, а секој износ над овој треба да се пријави) сторен е девизен прекршок. Согласно Законот, на белгискиот државјанин вратени му се 10 илјади евра, додека останатите 40 илјади евра привремено се задржани. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.
Црна хроника
Приведени крадци во Битола
Вчера, во Битола, полициски службеници од СВР Битола ги лишиле од слобода К. Б. (30) и Н. Б. (41), двајцата од Битола.
При претрес во домот на К. Б., извршен со судска наредба, биле пронајдени и одземени пари во разни апоени и повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.
А при претрес во домот на Н. Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.