Црна хроника
Случај Ореше: Одбраната побара иземање на претседателот и член на судскиот совет
По четврти пат им се суди на Ѓоре Петров и браќата Ордан и Љубчо Ѓоргиеви, јави велешкиот портал Лисица.
Откако Апелација на поништи ослободителната пресуда за осомничените за платеното убиство на 74 годишниот Лазо Милошевски судиката Тања Милевска го почна процесот. Но само што почна бранителите на второобвинетите, браќата Ѓоргиеви побараа иземање на судиката која го води предметот и членот на судскиот совет. Причините за ваквото барање адвокатот Давидовиќ ги оправда со тоа што двете судики постапувале во претходните кривични постапки, а според Законот, тие не може да постапуваат во судечкиот предмет.
„Претседателот на судечкиот совет и членот веќе учествувале во овој предмет во кривичниот совет, како претседатели на кривичен совет, едниот судија пет пати, другиот еднаш, донеле одлуки за продолжување на мерката притвор спрема обвинетите“, рече Звонко Давидовиќ, бранител.
Барањето за иземање на судиките, според Обвинителството е обид за одолговлекување на судскиот процес кој се води веќе шеста година, одбраната на првообвинетиот Ѓоре Петревски е децидна, дека се бара само почитување на правото.
„Очекувам навистина овој пат да завладеат основните начела на законот за кривична постапка, а тоа е легалитетот, законитост, објективност и непристрасност на судот“, рече Ангел Ѓоргиев, бранител
За случајот Ореше во Основниот суд во Велес, водени се три постапки. Двапати судијата Танев ги прогласуваше второобвинетите за виновни и изрекуваше казна затвор од по 12 години. Третиот пат, откако заштитениот сведок јавно проговори и го промени својот исказ, судијата Танев пресуди ослободителна пресуда.
Овој предмет сега во води нов судски совет бидејки претходниот водечки судија, обвинителот, истражниот судија, адвокати и новинар поради злоупотреба на службената должност и земање поткуп во процесот Ликвидација се осудени на казна затвор.
Во декември 2005 година во својот дом беше убиен 74 годишниот Лазо Милошевски.Три години потоа започна судењето. Следното рочиште судиката Милевска го закажа за 1 април. /крај/лсц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.