Во текот на вчерашниот ден Министерството за внатрешни работи спроведе зајакната акциска контрола на територијата на Република Северна Македонија за санкционирање возила што се движат со брзина поголема од дозволената, при што санкционирани се 224 возачи.

Од нив, според информации од полицијата, 10 возилa се движеле со брзина над 50 километри на час повеќе од дозволеното, а пет возила се движеле со дури над 70 километри на час повеќе од дозволената брзина.

Притоа, 77 возачи ја пречекориле брзината во населено место, а 147 надвор од населено место.

Засилените акциски контроли продолжуваат и во наредните денови, најавија од МВР.

Вчера во 16:30 часот полициски службеници од Оперативен тим потраги – Скопје, на место викано Горно Село, општина Богданци, го лишија од слобода Н.А.(24) од Валандово.

За него била распишана Централна потерница за доиздржување на затворска казна во Казнено-поправната установа Затвор Гевгелија.

Лицето ќе биде спроведено во установата за доиздржување на казната, информираа од МВР.

Министерството за внатрешни работи во текот на вчерашниот ден продолжи со засилените акциски контроли во областа на сообраќајот.

На територијата на Град Скопје биле изречени вкупно 141 казна, меѓу кои за возење над дозволената брзина 21 санкција, 17 мерки за возење без возачка дозвола, две мерки за минување на возила на црвено светло, една за возење под дејство на алкохол, осум мерки за технички неисправни и нерегистрирани возила, четири за неносење сигурносен појас, осум мерки за користење мобилен телефон, три мерки за прекршоци што ги направиле возачите на моторцикли, 48 мерки за непрописно паркирање.

Полицијата апелира до граѓаните да ги почитуваат сообраќајните правила и прописи за поголема безбедност во сообраќајот.