Црна хроника
33-годишен скопјанец физички бил нападнат поради паричен долг
33-годишниот скопјанец М.И. во Полициската станица во Центар пријавил дека истиот ден околу 14 часот пред железничката станица во Скопје две лица го внеле во патничко моторно возило „фолксваген пасат“ и се упатиле кон Марков манастир.
Имено, како што соопштија од полицијата, лицето З.Џ. го внел во патничко моторно возило „фолксваген пасат“ и заедно со З.И. се упатил кон Марков манастир. Притоа, З.Џ. и З.И., поради паричен долг на М.И. кон З.Џ., му упатувале закани, а во близина на Марков манастир З.Џ. физички го нападнал М.И., велат од полицијата.
Од МВР посочија дека се преземаат мерки за целосно расчистување на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.