Четиринаесетгодишник управувајќи мотор се судри со автомобил доцна синоќа на место викано ,,Подлошка крстосница“ во Кочани.

„Несреќата се случи помеѓу патничко моторно возило ,,бмв“ со кочански регистарски ознаки, управувано од Р.Ј.(21) од Кочани и мотоцикл со штипски регистарски ознаки, управуван од 14- годишен малолетник од Кочани“, информираат од МВР.

Во незгодата со повреди се здобиле возачот на мотоциклот и неговиот 17 годишен сопатник од селото Горни Подлог, кои по укажаната лекарска помош во здравствена установа Кочани се префрлени во Клинички центар Штип. Увид на лице место извршиле јавен обвинител и екипа од полициска станица Кочани.

Тешка кражба на 14 велосипеди во Охрид заврши со кривична пријава за пет лица од овој град, од кои четврорица се малолетни на возраст од 15 години.

„Пријавените, тешките кражби ги извршиле од 21 јуни до 17 ноември на разни локации во Охрид, кога во згодни прилики одзеле 14 велосипеди, дел оставени необезбедени, а дел одземени откако со подесен алат ги отстранувале безбедносните бројчаници и сајли“, информираат од МВР.

На тој начин, тие се здобиле со противправна имот корист во вкупна вредност од 206.018 денари.

Три лица завршиле со повреди, од кои едно со тешки телесни повреди во сообраќајна несреќа што се случи вчера во селото Лешок.

Во несреќата учествувале товарно моторно возило „фолксваген“ со тетовски регистарски ознаки, управувано од Н.Р.(34) од с.Желино, и патничко моторно возило „пежо“, со тетовски регистарски ознаки, управувано од Н.А.(67), со сопатничка Ш.А.(59), двајцата од с. Непроштено.

„По несреќата, тие се пренесени во Клиничка болница Тетово каде им се констатирани повреди на возачите Н.Р. и Н.А., а на сопатничката Ш.А. и е констатирана тешка телесна повреда. Увид на лице место изврши екипа од СВР Тетово“, информираат од полицијата.