Црна хроника
Тетовка му се заканувала со пиштол на нејзин сограѓанин
Четириесет и тригодишна тетовка при вербална расправија со нејзин сограѓанин во кафеана во центарот на Тетово извадила пиштол и му се заканувала дека ќе го убие.
Како што информира полицијата, инцидентот се случил во понеделник во угостителски објект во Трговскиот центар во Тетово кога Н.К. од Желино, тетовско, започнала вербална расправија со Б. Р. (25) од Тетово, по што истата извадила пиштол „лаф” кал. 7,65 мм. во кој имало пет куршуми заканувајќи му се дека ќе го убие.
Тетовката го поседувала пиштолот без дозвола, а полицијата против неа поднесе кривична пријава за сторени кривични дела „недозволено изработување, држење и тргување со оружје или распрскувачки материи” и „загрозување со опасно орудие при тепачка или караница”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.