Црна хроника
Откриени 370 мигранти во 2013 година
Вкупно 370 мигранти, претежно од Авганистан, Пакистан и Сирија, нелегално влегле во Македонија во текот на 2013 година.
Како што информира Министерството за внатрешни работи, Македонија воглавно останува транзит земја, односно мигрантите илегално ја поминуваат грчко-македонската гранива, а потоа со такси се упатуваат кон северната граница.
Во Извештајот за активностите во областа на илегалната миграција за 2013 година на МВР се наведува дека е евидентирано зголемување за 46 проценти на овој вид кривични дела, односно откриени се 52 (39 во 2012г) кривични дела „криумчарење мигранти” сторени од 98 (70) сторители и пет дела „организирање на група и потикнување на извршување на делата трговија со луѓе и криумчарење мигранти” сторени од 22 сторители.
Најголемиот број сторители на овие дела се македонски државјани, само осум сторители се странски државјани.
Зголемување за трипати е регистрирано и кај откриените 13 кривични дела „злоупотреба на безвизен режим со државите членки на Европската унија и Шенгенскиот договор” сторени од 19 сторители. Сторителите се македонски државјани кои со патнички возила за износ од 200 или 250 евра по лице им организирале транспорт на 119 наши државјани-потенцијални баратели на азил чија крајна дестинација била Германија, Франција, Холандија. Излез од државата најчесто остварувале преку северната граница, односно на граничниот премин Табановце.
Во Извештајот се издвојува случајот во кој сторителот освен за делото „злоупотреба на безвизниот режим” е пријавен и за „трговија со малолетно лице”. Пријавениот сторител е македонски државјанин кој искористувајќи ја лошата економска состојба на семејство од Македонија им обезбедил транспорт до Белгија каде требало да бараат азил, а откако од страна на семејството не му бил исплатен договорениот паричен надомест, истиот им ја одзел малолетната ќерка и за 5.000 евра ја дал продал на лице од Белгија./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.