Црна хроника
Погребник од Велес осомничен за проневера на 30 илјади евра
Со лажни пописни листи, поранешен продавач на погребална опрема во велешкото Јавно комунално претпријатие „Дервен“, полицијата го осомничи дека противправно се стекнал со имотна корист од 1,8 милиони денари, или околу 30 илјади евра.
Покрај раководителот, кој е прво осомничен, како второосомничени , кривични пријави заработија и двајца членови на пописна комисија, кои со своето несовесно работење овозможиле тој да се стекне со противправна имотна корист во износ од 1.837.000 денари.
„Првопријавениот додека работел како службено лице – продавач на погребална опрема во ЈКП ‘Дервен’, со намера за себе да стекне противправна имотна корист присвоил пари од продадена погребална опрема, која опрема во пописната листа од 31.12.2012 година ја пријавил како затекната во продавницата, а второ и третопријавените, како претседател и член на пописна комисија пропуштиле должен надзор и не ги исполниле своите должности, односно, ги потпишале пописните листи без да бројат и попишуваат”, рече Анита Стојковска, портпаролката на СВР Велес.
Стореното кривично дело во ова претпријатие е откриено кон крајот на минатата 2013 година. кога новиот раководител на продавницата го правел годишниот попис. Разликата на пописните листи била евидентна и претпријатието случајот го пријавил во полиција.
Сега не ред е судството, каде на првоосомничениот кој веќе е во пензија и на двајцата второ осомничени вработени во ЈКП „Дервен”./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.