Црна хроника
Откриен нов вид смртоносна дрога во Македонија
Нов вид дрога слична на кокаинот откри полицијата кај повеќе лица во Битола. Министерката за внатрешни работи, Гордана Јанкулоска, информираше дека станува збор за смртоносна хемиска супстанца којашто првпат се појавува во Македонија, а дрогата е позната под неколку различни имиња како „bath salts”, „Blow”, „research chemicals”, „Explosion” и други.
Минатиот месец полициски службеници при претрес кај битолчанка пронашле една паковка од 0.3 грама со непозната прашкаста материја и цевче со траги од материјата за која по извршено вештачење било утврдено дека претставува метил-ендиокси-пировалерон или скратено МДВП, односно стимуланс на централниот нервен систем, сличен на кокаинот и амфетамините. Потоа при претрес во домот на друго лице во село Трново, Битола, како и при претрес на други лица, меѓу кои и братот на битолчанката, исто така, била пронајдена истата дрога, а за точно утврденото количество сé уште се чека вештачење.
Во сите случаи кога лицата конзумирале МДПВ, општа карактеристика е дека се агресивни, со неконтролирани движења, хипер активни, а две под дејство на дрогата извршиле и разбојништва.
Јанкулоска информираше дека допрва ќе се утврдува потеклото на дрогата и не ја исклучува можноста истата да е произведена во Македонија.
Тоа што треба да ги загрижи граѓаните и ризичната популација, додаде министерката, е фактот дека оваа дрога и дополнителните дејствија од неа во последните години се причина за смрт на 99 лица во земјите членки на Европската унија.
Бидејќи новата пронајдена супстанција е непозната за Македонија, МВР го известило Министерството за здраство, односно Секторот за контролирани супстанции и од таму информирале дека се работи за нова дрога на пазарот, која е синтетичка верзија на кокаинот.
По ваквите сознанија, меѓуресорската комисија донесе одлука со која ја забрани оваа супстанција, односно во Службен весник бр. 56 од 27.03.2104 година, таа е внесена во првата категорија на опојните дроги. Освен оваа супстанција во дополнетата класификација се внесени и 14 други нови наркотици и нивните мешавини. Меѓу нив има дроги што предизвикуваат психоделични ефекти, аналгетици со 80 отсто од моќноста на морфинот, аноректични дроги, односно супресанти на апетитот кои предизвикуваат параноја, халуцинации, анксиозност и депресија, деривати на амфетамини и други.
„Оваа појава на нови дроги, за жал е особено зачестена изминативе години со засилениот развој на науката. Од 2005 година досега на ниво на Европската унија се пријавени дури 300 нови видови на наркотици. За крај би сакале да истакнеме дека иако меѓу својствата на новооткриената дрога, која е стимуланс, е и предизвикување на намалување на апетитот, што би можело да ја направи поатрактивна за младите, таа е исклучително опасна за конзумирање”, истакна Јанкулоска./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.