Црна хроника
МВР го презентираше случајот на организираниот шверц на цигари кон Бугарија
Министерството за внатрешни работи, односно Одделот за сузбивање на организиран и сериозен криминал, продолжи со активностите за целосно расчистување и документирање на криминалoт на организираната група криумчари, која беше разоткриена на почетокот на месецов, поточно на први април, во обид нелегално да пренесат поголемо количество цигари од Македонија во Бугарија.
Во рамки на продолжението на акцијата откриени се местата, односно гаражите каде што биле полнети возилата со цигари. На тие места биле вршени и модификациите на возилата за да бидат сокриени цигарите, а при преземените дополнителни дејствија утврден е и начинот на работење како и хиерархиската структура на оваа група. Освен овие факти важни за натамошната постапка, откриени се и одземени и дополнителни количества цигари подготвени за криумчарење во соседна Бугарија. Од извршените претреси во спорните објекти беа пронајдени уште вкупно 790 кутии цигари (730 од марката „Мерилин” и 40 кутии од марката „ЛД”), две патнички и две теренски возила, 14 патрони за ловна пушка, како и телефонски апарати, сим картички и тефтер за евиденција за должничко-доверителски односи на физички лица.
Од преземените мерки, утврдено е дека групата започнала со криминални активности во 2012 година, а нејзини организатори се три лица од кои едно од Крива Паланка, едно од село Драмче и едно од село Копаница. Тие со цел стекнување со противправна имотна корист ја организирале криминалната група за криумчарење акцизна стока-цигари од Македонија во Бугарија, односно нелегално пренесување на истите преку граничната линија користејќи ги легалните премини и т.н „диви премини” на зелената линија кон државната граница со угарија, вклучувајќи ги во групата и другите четири лица во различните фази на нивното криминално делување.
Сите тие делувајќи организирано со посебни задолженија во посочениот двегодишен временски период организирале повеќе транспорти, односно криумчарење на акцизна стока, односно цигари од Македонија во Бугарија. Тоа го правеле така што по претходен меѓусебен договор и договор со засега непознати бугарски државјани, најпрво на посебни локации полнеле возила со бугарски национални ознаки со цигари (со и без акцизни маркици). Притоа речиси секогаш користејќи по две возила, (од кои едното задолжено за обезедување на возилото со кое се пренесувале цигарите), а потоа ги транспортирале во Бугарија.
Од досега превземените мерки и активности утврдено е дека членовите на оваа криминална група за периодот од 2012 до 2014 година организирале пет транспорти на акцизна стока цигари од Македонија во Бугарија, односно прокриумчариле вкупно 34.450 кутии цигари од марките „Трокадеро”, „Јорк” и „Мерилин Слим”, при што се стекнале со противправна имотна корист во вкупен износ од 5.300.000 денари.
Првиот транспорт го извеле на 16.04.2012 година кога двајца од организаторите на групата набавиле 3.500 кутии цигари од марката „Мерилин Слим” и „Трокадеро”, коишто со автомобил „БМВ” со бугарски ознаки се обиделе да ги прокриумчари во Бугарија, но биле запрени од бугарската полиција и против едно лице организатор по коешто сé уште се трага била поднесена кривична пријава во Бугарија.
На 07.02.2014 година бугарската полиција запленила вкупно 9.500 кутии цигари кои членовите на оваа криминална група користејќи автомобили „лада” и „опел омега”, со бугарски ознаки успеале да ги прокриумчарат во угарија преку зелената линија на македонско бугарската граница. Од страна на бугарската полиција биле забележани во атарот на бугарското село Брестово, но во обидот да бидат запрени, истите успеале да побегнат од лице место. По извршени проверки за „лада”-та било утврдено дека ја управувало токму веќе пријавуваното лице во Бугарија.
На 21 и 28.03. годинава со возило марка „пежо 306″ караван со бугарски регистарски таблички во Р.Бугарија успеале да прокриумчарат вкупно 1.280 кутии цигари од марката „Мерилин Слим” кои во близина на Ќустендил, ги предале на лице бугарски државјанин.
Сепак, на први овој месец при обид на членовите на групата да пренесат акцизна стока-цигари во Бугарија со возило „форд експлорер” со бугарски ознаки, во близина на селото Панчарево кај Делчево, присилно се сопрени од страна на наши полициски службеници при што во возилото се пронајдени вкупно 19.480 кутии цигари од марките „Јорк” и „Мерилин Слим”. Лицата во моментот на сопирањето се дале во бегство, но по преземени полициски мерки, истите се пронајдени и лишени од слобода.
Инаку, Одделот за сузбивање на организиран и сериозен криминал, по извршената заплена на акцизна стока-цигари на први овој месец на вкупно 19.480-те кутии цигари, под раководство на Јавното обвинителство и Основното јавно обвинителство за гонење организиран криминал и корупција и по дополнително обезбедени криминалистичко-разузнавачки информации и наредби за претрес од надлежен Судија за претходна постапка, изврши вкупно 15 претреси во дом и други простории на подрачјето на Крива Паланка и Делчево.
Досега до Основното јавно обвинителство за гонење организиран криминал и корупција, поднесе кривична пријава против седум лица на возраст од 22 до 30 години, од кои петмина од Крива Паланка а по еден од село Драмче, делчевско и село Копаница, кривопаланечко. Тие се сомничат за кривичните дела „злосторничко здружување” и „криумчарење”.
Судија за претходна постапка на петмина од пријавените им изрече мерка притвор во траење од по 30 дена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.