Црна хроника
Условна казна за вработен во Царина кој му се заканувал со убиство на екс директорот Каргов
Две години условна казна доби Л.И., поранешен вработен во Царинската управа, поради смртни закани што му ги упатил на поранешниот директор на Царинската Управа, Ванчо Каргов, соопшти Министерството за внатрешни работи.
Л.И.(42) од Скопје, на втори април, околу 02,30 часот отишол пред влезот од зградата каде што живее Каргов, сегашен претседател на инспекциски служби во Владата на Република Македонија и неконтролирано викал и ѕвонел по влезните врати.
По три дена, околу 21,30 часот, Л.И. под дејство на алкохол повторно отишол пред влезната врата од станот на оштетениот, притоа вербално заканувајќи се дека ќе го убие.
МВР информира дека Л.И. во 2009 година добил отказ од работа, додека Каргов бил директор во Царинската управа и против него е поднесена кривична пријава за сторено кривично дело „загрозување на сигурноста”.
Судот во итна постапка донесе пресуда и го осуди Л.И. на условна казна од две години кои нема да ги одлежи ако не стори кривично дело пет години. Судот пресуди условна казна затоа што пријавениот го признал делото.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.