Црна хроника
Притворен крадец на чанти и ланчиња од жени низ Скопје
Осумдневен притвор и кривична пријава заработи дваесет идвегодишен скопјанец кој крадел чанти и ланчиња од жени во повеќе скопски населби, соопшти Министерството за внатрешни работи.
М.Ѓ. извршил три кражби на подрачјето на Карпош, Кисела Вода и Центар и тоа две на почетокот на месецов и една минатиот месец. Тој ги извршувал кривичните дела на идентичен начин, насилно со употреба на физичка сила им ги одземал ланчињата и чантите на жените.
Првото кривично дело го извршил на 21-ви минатиот месец, околу 18,20 часот, на бул. „Франклин Рузвелт” пред зграда бр.46, на тој начин што откако и се доближил на оштетената Р.Ч. од зад грб, почнал да ја влече за рацете и да и ја одземал торбата во која имало маица, фустан, паричник во кој имало 300 евра , 8.000 денари, дебитни картици трансакциона картичка од Комерцијална банка и лична карта со што се стекнал со противправна имотна корист од околу 30.000 денари, по што избегал во правец на бул. „Партизански Одреди”.
Втората кражба ја извршил на први овој месец околу 19,30 часот, на ул. „Виктор Иго” во близина на стара „Рампа” во Кисела Вода пред продавница “Да-ми”, на тој начин што откако оштетената Н.К. му се доближила пред продавницата пријавениот зборувајќи на мобилен телефон, во еден момент ја прашал нешто за да и сврти внимание, по што откако истата му одговорила, пријавениот насилно со употреба на физичка сила од вратот и го одзел златното ланче со привезок по што избегал кон ул.„Невена Георгиева”. Ланчето било вредно околу 20.000 денари.
Третото кривично дело го извршил два дена подоцна, околу 17.45 часот, на бул.„Метрополит Теодосиј Гологанов” во близина на детската градинка „13-ти Ноември” на тој начин што откако и се доближил на оштетената И.Н., учтиво и се обратил односно ја прашал нешто оштетената, а во тој момент друго непознато машко лице кое било заедно со пријавениот, насилно со употреба на физичка сила и одземал две златни ланчиња на кои имало два привезока по што избегале во правец на ,,АМСМ”. Накитот бил вреден околу 45.000 денари.
На 4-ти овој месец, М.Ѓ. бил повикан во полициската станица Бит Пазар, каде што оштетените го препознале и против него е поднесена кривична пријава за сторени кривични дела „тешки кражби” и одредена му е мерка притвор од осум дена.
Инаку, според евиденциите на МВР, М.Ѓ. е познат сторител на кривични дела од имотни деликти и против истиот се поднесени три кривични пријави и во еден случај изречена му е мерка Засилен надзор од родител или посвоител.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.