Црна хроника
Мајка и ќерка загинаа во сообраќајката кај Битола
Во тешката сообраќајка што се случи рано попладне во вторникот на патот Битола – Ресен две лица ги загубија животите, мајка и нејзината шестгодишна ќерка, додека втората ќерка со тешки повреди е на клиниката во Битола и се бори за животот.
Во сообраќајната несреќа што малку пред 13.30 часот се случи кај бензинската пумпа „Лук Оил” на патот Ресен – Битола, учествувале две патнички моторни возила, „форд ескорт” со битолски и „тико” со охридски регистарски таблички. Полицијата и јавен обвинител беа на местото на незгодата каде до доцна попладнето вршеа увид.
Жената која го управувало „тикото” починала на самото место од здобиените повреди починала. Во „тикото” , покрај жената, имало уште две други лица, малолетни девојчиња. Едното од нив, на возраст од шест години, тешко повредено било пренесено на одделот за интензивна нега каде што по четиричасовни напори лекарите не успеале да и’ го спасат животот .
Другата ќерка, на 16-годишна возраст, е хоспитализирана на одделението за интензивна нега во битолската болница и се наоѓа во животна опасност.
Жртвите, како што се дознава, се од ресенскиот крај.
Во другото возило повредени се две лица од Битола, татко и син возраст од 60 и 44 години. Тие минале со полесни повреди, но задржани се на одделот за неврохирургија./крај/мф/аш
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.