Црна хроника
Меѓупартиска тепачка во Лисиче
Тепачка меѓу симпатизери на СДСМ и ВМРО-ДПМНЕ, меѓу кои и малолетници, се случила во вторник по митингот на кандидатот на СДСМ Стево Пендаровски во населба Лисиче, информира Министерството за внатрешни работи.
Тепачката настанала на ул. „Ѓорѓи Капчев” помеѓу З.Л.(18), К.Л.(29), С.Л.(55) и А.Л.(16), членови на СДСМ, од една страна и И.И.(16) и неговиот татко Б.И.,членови на ВМРО-ДПМНЕ, од друга страна.
Како што информира МВР, по кратка вербална расправија по завршувањето на митингот на кандидатот Стево Пендаровски во Лисиче, дошло до физичка пресметка во која лицата си размениле неколку удари.
Полицијата работи на целосно документирање на случајот, по што против одговорните во инцидентот ќе следуваат соодветни поднесоци.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.