Црна хроника
Двајца полицајци без причина претепале штипјанец
Против двајца полициски службеници од Штип полицијата поднесе кривична пријава за „мачење и друго сурово, нечовечко или понижувачко постапување и казнување“ поради употреба на прекумерна физичка сила врз лице осомничено за разбојништво.
Имено, на 28-ми јануари годинава околу 01,00 часот во полициската станица Штип било пријавено дека била нападната вработена во трафиката ДООЕЛ „Лајф-Пром” од страна на непознато маскирано машко лице со употреба на дрвена рачка од алат, при што разбојникот и нанел повреди во пределот на главата. Откако оштетената почнала да вика за помош, сторителот кој барал пари од истата, се откажал од намерата и излегол од трафиката, земајќи ја дрвената рачка со себе.
Веднаш по добиеното известување, од страна на полициски службеници било излезено на местото на настанот, по што оштетената заради здобиените повреди во пределот на главата е пренесена во ЈЗУ„Панче Карагозов” во Штип, додека oд страна на увидна екипа извршен е увид и преглед на местото на настанот како и на пошироката околина.
На ул. “Иво Лола Рибар” бил пронајден предметот со кој било извршено кривичното дело. При тоа, според описот добиен од оштетената како можен сторител било осомничено лице од Штип.
Осомниченииот бил пронајден во клубот „Сенатор”. Двајцата полицајци го изнеле пред објектот, по што го информирале сменоводителот дека одговара на описот на сторителот, но по извршени проверки во клубот добиле информации кои укажувале дека наведеното лице не е сторител на кривичното дело за што телефонски, повторно го известиле сменоводителот кој наредил лицето да не се приведува до следни инструкции.
Во меѓувреме пристигнале и двајцата пријавени полициски службеници И.М. (33) и Ѓ.А. (40), го турнале осомничениот на земја и употребиле физичка сила, односно почнале да го удираат со клоци и тупаници во пределот на телото и главата. Наскоро, со службено комбе пристиглале уште двајца униформирани полициски службеници кои го забележале лицето кое било видно под дејство на алкохол со повреди, расекотини на десната рака, како го омаловажувал првопријавениот полициски службеник И.М.
По консултации со сменоводителот, одлучено е тој да биде спроведен во полициска станица, а откако го внеле во полициското комбе, при вршење на преглед, првопријавениот полициски службеник, повторно физички го нападнал со тупаници во пределот на телото. По приведувањето, кај оштетениот се забележани видливи повреди, по што е повикана и Итна медицинска помош, а од страна на лекар се констатирани телесни повреди.
Од страна на Секторот за внатрешна контрола, по извршените проверки како и од разговорите со вработените, е утврдено дека постои основано сомнение дека полициските службеници, во наведениот случај неосновано употребиле физичка сила поради што против истите е поднесена кривична пријава за сторено кривично дело „мачење и друго сурово, нечовечко или понижувачко постапување и казнување”.
Покрај кривичната пријава, Секторот за внатрешна контрола изрече задолжителна мерка до Началникот на СВР-Штип, против полициските службеници, да поднесе предлог за утврдување на дисциплинска одговорност пред надлежната Комисија за утврдување на дисциплинска одговорност.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.