Црна хроника
Разоткриени уште два случаи на распространување дроги во рамките на акцијата 'Мрежа'
Пет лица во Скопје и Гостивар се приведени под основано сомнение за нелегална продажба на наркотици во операцијата „Мрежа” на Министерството за внатрешни работи при што се запленети амфетамини, марихуана, оружје и ваги за мерење на дрогата.
Во првиот реализиран случај, при извршен преглед врз 33-годишно лице од Гостивар, била пронајдена хартиена паковка со помало количество марихуана. Потоа врз основа на обезбедени дополнителни сознанија за соработка на лицето со други дилери, со наредба на надлежен Јавен обвинител извршени се пет претреси кај седум лица на подрачјето на Скопје и Гостивар. Од извршените претреси, кај 22 годишно лице од Скопје, пронајдени и одземени се две полиетиленски кеси со марихуана со количество од околу еден килограм, две дигитални ваги, најверојатно користени за мерење дрога и други предмети кои можат да бидат поврзани со ваквата активност, додека кај друго 20-годишно лице од Гостивар, пронајдена и одземена е една најлонска кеса со 59 таблети, најверојатно екстази, во форма на квадрат со розева боја на кои на предната страна има лого BD, а на задната страна 10, како и 28.700 денари.
Одземената растителна материја и таблетите беа предадени во Одделот за криминалистичко технички испитувања и вештачења при МВР заради натамошно вештачење.Од страна на Министерството за внатрешни работи, по целосно расчистување и документирање на случајот ќе биде поднесена кривична пријава поради основано сомнение дека лицата сториле кривично дело „неовластено производство и пуштање во промет на наркотични дроги, психотропни супстанци и прекурсори”.
Во вториот случај, СВР Скопје – Единица за недозволена трговија со дрога, со кривична пријава до надлежнотоОсновното јавно обвинителство Скопје предаде две лица од Скопје на возраст од 31 година, поради основано сомневање дека исто така сториле кривично дело „Неовластено производство и пуштање во промет наркотични дроги, психотропни супстанци и прекурсори”, а за едно од нив е поднесена и пријава за кривично дело „Недозволено држење на оружје и распрскувачки материи”. За сторените кривични дела од страна на судија во претходна постапка на пријавените им е одредена мерка притвор во траење од 30 денови.
Единицата за недозволена трговија со дрога, дојде до сознанија дека првоосомничениот со прекар „Дац”подолго време престојува во домот на второосомничениот во скопската населба Влае, каде набавената дрога ја препакуваат и ја продаваат на зависници.Постапувајќи по добиените сознанија и во рамките на оперативната акција „Мрежа”, со наредба од судија на претходна постапка, од страна на полициски службеници од единицата, извршен е претрес во домот на второосомничениот и кај уште едно лице.
При извршениот претрес, пронајдени се 43 грама анфетамин, спакувани во 58 паковки, 350 грама марихуана, еден пиштол „Екол” кал. 6,35, еден пиштол „Црвена застава” калибар 9 мм и една дигитална вага. Првоосомничениот, при претресот кај другото лице е затекнат во уживање на наркотици, а пронајдени се и една паковка анфетамин и една паковка марихуана, за што ќе биде поднесена кривична пријава за „Овозможување употреба на наркотични дроги”.
Инаку, двете лица кај кои беа вршени претреси се регистрирани како извршител на кривични дела недозволена трговија со наркотични дроги, за што на двајцата во периодот 2008 до 2012 од надлежен суд им има изречено две казни затвор. Истото се однесува и на првоосомничениот, кој во 2002 година е кривично пријавен за недозволена трговија со марихуана.
Во врска со двата случаи од страна на Секторот за недозволена трговија со дрога ќе бидат преземени дополнителни мерки и активности заради утврдување на кривична одговорност и на други инволвирани лица.
Досега во текот на акцијата “Мрежа” на цела територија на Македонија приведени се повече од 50 лица кај кои се пронајдени разновидни видови на наркотична дрога. МВР за дел од лицата веќе поднесе кривични пријави за сторено кривично дело “неовластено производство и пуштање во промет на наркотични дроги, психотропни супстанци и прекусори”. Освен приведените лица, во досегашниот тек на акцијата запленети се околу 450 килограми разни видови наркотици, вредни повеќе милиони евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.