Црна хроника
Малолетници се тепале во автобус на ЈСП
Возач на автобус на ЈСП со број 50 на 25 април пријавил инцидент кој настанал меѓу две групи малолетници во близина на автобуската постојка кај клучката „Дијамант“ пред ДАСУЦ „Боро Петрушевски“, информираат од Министерството за внатрешни работи.
Според изјавата на возачот двете групи ученици без повод и причина почнале вербална расправија која прераснала во тепачка.
Возачот на автобусот, застанал на постојката, ги отворил вратите и почнал да ги разделува учесниците во тепачката но откако не успеал во намерата дел од средношколците се симнале и почнале да фрлаат камења и тврди предмети кон автобусот, при што било скршено стаклото од предната врата на автобусот.
На местото на инцидентот веднаш пристигнале четири тима на „Алфа” Единицата за прв одговор и интервенција при што од слобода лишиле осум малолетници, а тројца успеале да избегаат.
По извршените разговори со учесниците во тепачката и двете групи изјавиле дека меѓусебно не се познаваат, немаат претходни расправии и недоразбирање и никој незнаел да наведе зошто почнале вербална расправија.
Од МВР истакнуваат дека инцидентот веднаш бил расчистен и документиран, а СВР Скопје-ПСОН „Гази Баба”, издала единаесет платни налози против исто толку малолетни лица, за нарушување на јавниот ред и мир со тепачка.
Извршено е фотографирање и на оштетениот автобус, за што по утврдување на сторителот на кривично дело „Оштетување туѓи предмети”, ќе следи соодветен поднесок, се вели во соопштението на Министерството за внатрешни работи./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.