Црна хроника
Ослободен битолчанецот обвинет за грабеж на 100 илјади евра
Судот во Битола го ослободи битолчанецот Славе Даскаловски кој беше осуден на десетгодишна затворска казна за грабежот на 100 илјади евра од под перница на осумдесетгодишната Марија Лукаровска, исто така, од Битола.
Првично се тврдеше дека на пензионерката и’ биле земени 400 илјади евра, но подоцна се дозна дека сумата е помала, односно 100 илјади евра. Иако бабата кажала дека биле тројца, само еден беше осомничен откако во текот на полициското препознавање го посочила токму Даскаловски.
Со последната одлука на Врховниот суд на Македонија од понеделникот, одлучено е дека записникот во кој оштетената Лукаровска го препознала Даскаловски како едно од лицата вмешани во кражбата е незаконски.
„Ја објавија пресудата со која спрема обвинетиот Славчо Даскаловски е донесена ослободителна пресуда за едно од најтешките кривични дела. Сметам дека судот постапи правилно, заради тоа што правично и децидно ги анализираше сите докази и на крајот за овој кривично-правен настан немаше докази дека обвинетиот го сторил ова кривично дело”, рече Васко Ѓоргиев адвокат на обвинетиот.
Братот на осудениот, а сега ослободениот, радосен што е донесена ослободителна пресуда.
„Сега, нормално, среќен сум што го ослободија. Слободен е дефинитивно, а што натаму сега не знам, за тоа ќе каже адвокатот. Во никој случај постапката не беше фер, дури го осудија и пет месеци затвор за некаква навреда на поротата, но нема врска, тој си ги одлежа тие пет месеци и сега пресудата е ослободителна”, рече Иван Даскаловски, брат на Славе.
Пред судот беа и неговите пријатели да ја дочекаат одлуката.
„Правдината е на виделина, само толку од мене”, рече Стево Настев пријател на обвинетиот.
Судската постапка против Даскаловски траеше три години. Прво беше осуден на 10 години затвор, а Апелациониот суд ја укина таа одлука. По ова Јавното обвинителство бараше заштита на законитоста, но Врховниот суд барањето го одби како неосновано и наложи на основа на записникот да не можат да се носат судски одлуки./крај/мф/сб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.