Црна хроника
Македонски државјанин се обидел да прошверцува мигранти
Триесет и тригодишен македонски државјанин заработи кривична пријава за криумчарење мигранти.
Како што соопшти полицијата, со цел стекнување на противправна имотна корист, за одреден паричен надомест пријавениот С.С. извршил прифаќање на девет илегални мигранти (од кои едно дете), кои од Грција илегално влегле на територијата на Р.Македонија. Истите требало да се транспортираат од подрачјето на Гевгелија до кумановскиот регион.
По прифаќањето на мигрантите, на патниот правец Гевгелија – Неготино, од страна на мобилен тим на Царинската управа бил направен обид за запирање и контролирање на возилото под сомнение дека во возилото се превезува нелегална стока, при што С.С. ги игнорирал наредбите за запирање на возилото и продолжил да се движи во правец на Неготино. Во близина на Градско, пријавениот со возилото го напуштил автопатот Гевгелија – Скопје и со голема брзина продолжил да се движи по стариот пат Градско – Велес. Од страна на мобилниот тим на Царинската управа биле известени ДОЦ на Царинската управа и ДОЦ на МВР.
По кратко време во близина на Велес, кај м.в.Зенуле, С.С. застанал, го напуштил возилото и се дал во бегство, додека возилото и мигрантите биле пронајдени на лице место. По дополнително преземени мерки и активности за идентификување на лице, извршени консултации со Јавниот Обвинител и по издадена Наредба за приведување на лице, од страна на Судијата на претходна постапка, тој е идентификуван и пронајден а по приведувањето С.С. е предаден на Судијата на претходна постапка.
Од страна на Судија на претходна постапка, на С.С. му е одредена мерка притвор во траење од 30 дена. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.