Црна хроника
Железничката сигнализација не е причина за страшната сообраќајка
Заврши увидот на истражните органи за сообраќајната несреќа што рано утрото во вторникот се случи на железнички премин на Овчеполето, на патот Штип – Велес, кога шинобус налетал на патнички автобус при што 32 лица беа повредени.
Шеснаесет повредени веднаш биле пренесени во штипската клиничка болница, а други шеснаесет во велешката болница. Поради сериозноста на повредите шест лица се пренесени во Ургентниот центар во Скопје.
Надлежните органи утврдиле дека сигналните уреди на железницата биле во ред, а според нив поради присебноста на машиновозачот била избегната поголема несреќа.
Според првичните индиции од истрагата, до несреќата најверојатно дошло поради тоа што возачот на автобусот ја преминувал пругата и покрај сигнализацијата дека на дадената локација се приближува возот.
„Ова се првичните индиции. Сепак, ќе чекаме последен збор од истрагата на органите. Констатиравме дека сигналните уреди на железницата се во ред, функционирале. Прибраноста на нашите вработени довела до тоа да се избегне поголема несреќа”, истакнува директорот на Македонски железници, Оливер Дерковски.
По завршување на увидот сообраќајот повторно се одвива нормално./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.