Четири лица се убиени и уште три се ранети во саботата попладне во белгиската престолнина Брисел кога напаѓач отворил оган од автоматско оружје врз минувачи пред Еврејскиот музеј (Musee Juif), пренесуваат тамошните медиуми.

Во инцидентот кој белгиските власти го карактеризираа како терористички напад, две жени и маж починале веднаш по пукањето, додека уште еден маж починал подоцна во болница. Бриселскиот градоначалник Иван Маер изјави дека жртвите се тројца мажи и жена.

Огнот бил отворен во самиот центар на Брисел, на улицата Де Миним, на стотина метри од зданието на највисокиот суд во Белгија – Палатата на правдата. Комесарот на полицијата на белгиската општина Иксел, Гидо Ван Вимерш изјавил дека напаѓачот избегал од местото на нападот со автомобил „ауди”. „Тој излегол од автомобилот со ранец и отворил оган врз минувачите на улицата, потоа седнал во возилото и избегал од местото на настанот”, рекол. Комесарот додал дека еден од очевидците успеал да запамети некои од ознаките на табличката на автомобилот на напаѓачот.

Засега не е објавени идентитетот на жртвите. Според некои медиуми, пукањето се случило во самиот музеј.

На местото на несреќата дошла и белгискиот министерката за внатрешни работи, Жоел Милке, којашто изјавила дека е „висока веројатноста” дека се случил „терористички акт со антисемитска заднина”. Притоа еден од челниците на белгиската еврејска заедница Жулиен Кленер за радиото Contact рекол дека „последните денови Еврејскиот музеј во Брисел не добил никакви закани”.

Белгискиот премиер Елио Дирупио изјави дека сочувствува со блиските на загинатите и ранетите истакнувајќи дека е „потресен од трагедијата”.

Министерот за надворешни работи, Дидие Рејндерс, исто така, дошол на местото на нападот. „Видов многу шокирани луѓе”, рекол Рејндерс додавајќи дека од очевидци слушнал дека едно лице со ранец на грбот излегло од паркиран автомобил и отворила оган пред Еврејскиот музеј, но и во објектот.

Терористичкиот напад во Брисел се случи на помалку од 12 часа од почетокот на парламентарните избори во Белгија, како и изборите за Европскиот парламент. Весникот Libre Belgique.коментира дека нападот може да ја разгори повторно дебатата за ниското ниво на безбедност во земјата./крај/мф/сн