Црна хроника
Син на холивудски режисер извршител на шесткратното убиство во Калифорнија
Син на холивудски режисер кој боледува од ментални тешкотии смртно избодел три лица а потоа уште тројца усмртил со куршуми во ноќта кон саботата во близина на универзитетскиот кампус во Санта Барбара во јужна Калифорнија, објави локалната полиција.
Покрај тоа, уште најмалку 13 лица се ранети од 22-годишниот напаѓал Елиот Роџер кој извршил самоубиство по нападот во гратчето Исла Виста, пред кампусот на Калифорнискиот универзитет во Санта Барбара.
Неговиот татко, Питер Роџер е познат по учеството во реализацијата на успешниот филм „Игри на гладта” од 2012 година.
Полицијата ги прегледува видеоснимките кои момчето ги поставило на YouTube под наслов „Казна”. На нив во седум минути се гледа како Елиот Роџер управува со автомобил и раскажува за својата осаменост, омразата кон светот и огорченоста поради неговата непопуларност кај жените.
Овој нов масакр во САД е најновата епизода во долгата серија масовни убиства извршени со огнено оружје кои ја тресат земјата последните години, и се очекува дека ќе покрене нов бран од контроверзната дискусија за носењето и забраната за набавка на оружје.
Пред трагедијата во петокот навечер, полицијата трипати имала интервенција во врска со Елиот Роџер, првиот пат во јули 2013 година, изјавил шерифот на округот Санта Барбара, Бил Браун. Појаснил дека Роџер „избодел повеќепати” тројца мажи во неговиот стан пред да излезе со огнено оружје. Кога излегол на улица, цел му биле три жени од кои две на возраст од 19 и 22 година ги усмртил. Во BMW-то со црна боја ја нашол својата шеста жртва, 20-годишниот студент Кристофер Мартинез кого исто така го убил.
Полицијата тогаш тргнала во потрага по Елиот Роџер кој почнал да пука врз случајни минувачи. Погоден со куршум во мускулот удрил во велосипедист кој паднал на предниот дел од возилото. „Возилото на осомничениот тогаш удри во паркираните автомобили и застана”, изјавил Браун.
Во BMW-то биле пронајдени три парчиња полуавтоматско оружје од 9 мм, купени легално и регистрирани, како и големо количество муниција.
Според семејниот адвокат, момчето боледувало од акутен облик на Аспергов синдром, а за неговото здравје се грижеле неколку специјалисти. Адвокатот Алан Шифман додал дека семејството на убиецот е „скршено и упатува искрено сочувство на семејствата на сите жртви”./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.