Црна хроника
Запленети 23 килограми марихуана кај Велешта
Полицијата заплени 23 килограми марихуана во возило кај село Велешта, во рамки на акцијата „Мрежа“ со што е пресечен меѓународен канал за шверцување дрога од Албанија преку Македонија кон Хрватска и е разбиена меѓународна криминална група.
Уапсени се четворица македонски државјани на возраст од 22 до 52 години и тројца хрватски државјани на возраст од 40 до 54 години. Двајца албански државјани за кои постои сомнение дека биле дел од оваа меѓународна криминална група се во бегство.
Имено, двајцата албански државјани, според досегашните сознанија на МВР, кон крајот на минатиот и почетокот на овој месец, по претходен договор од лица од Албанија набавиле марихуана за понатамошна продажба. При пакувањето учествувал еден хрватски државјанин, кој заедно со еден од осомничените македонски државјани обезбедиле преса заради полесно сместување на дрогата во бункерот на возилото. Со помош на член на групата од Македонија, пресуваната марихуана ја префрлиле на македонска територија во околината на Дебар, при што во договор со организаторот на групата, имале и улога на посредници. Тие стапиле во контакт со двајца други хрватски државјани кои ангажирале трето лице да го изврши транспортот за што обезбедил и возило.
Осомничените оствариле неколку средби, по кои согласно добиените инструкции превозникот, заедно со еден од хрватските државјани се упатиле во околината на Дебар со патничко возило „Крајслер-војаџер” со хрватски национални ознаки.
Таму ја преземале марихуаната и се упатиле во правец кон Струга. Од страна на полициски службеници на регионалниот пат Дебар-Струга во близина на село Велешта, возилото било запрено и бил извршен претрес. Во возилото биле откриени три специјално направени бункери во подот на багажниот простор. Зад задните седишта на подот на левата и десната страна од возилото биле пронајдени 28 пакувања облепени со селотејп трака исполнети со растителна материја со зелена боја.
По извршени претреси во домот на еден од осомничените, во една од собите во која е затекнат неговиот син, беа пронајдени и 17 полиетиленски пакувања исполнети со прашкаста материја – кокаин наменети за улична продажба.
Одземената растителна и прашкаста материја била предадена во Одделот за криминалистичко технички испитувања и вештачења при МВР заради понатамошно вештачење, при што било утврдено дека се работи за приближно 23 килограми марихуана со висок квалитет и околу пет грама кокаин. Запленетата марихуана при продажба на нарко-пазарите во соседството на големо би достигнала цена од околу 70.000 евра, додека на мало таа би била неколкукратно повисока.
Од страна на Секторот за недозволена трговија со дрога до ОЈО за гонење на организиран криминал и корупција ќе биде поднесена кривична пријава против девет лица, вклучувајќи ги и двајцата албански државјани, поради постоење на основано сомнение дека сториле кривично дело „неовластено производство и пуштање во промет наркотични дроги, психотропни супстанции и прекурсори”.
Во текот на денот осомничените ќе бидат изнесени пред судија на претходна постапка.
Инаку, досега во рамки на Операцијата „Мрежа” беа приведени околу 80 лица и беа запленети приближно половина тон на разни наркотици.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.