Црна хроника
Седум мртви во превртување на украински автобус во Полска
Седум лица загинаа а шест други се повредени во сообраќајна несреќа на украински автобус и камионет кај местото Крапковице во јужна Полска, објави полското радио во четвртокот повикувајќи се на локалната полиција.
Автобусот со украински регистерски таблички околу 11 часот претпладнето се удрил во возило за одржување на патиштата и пота се превртел. Едно од возилата притоа се запалило.
Полицијата, инаку, не го наведе државјанството на жртвите. Според информациите на локалните медиуми, станува збор за украински градежни работници кои работеле во Чешка и се враќале дома во Украина.
Повредените лица се хоспитализирани при што биле транспортирани се хеликоптер на брзата помош, а три од нив се во тешка состојба. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.