Црна хроника
Ученик убиен во ново пукање во училиште во САД
Осомничениот за пукањето во едно училиште во кое загина ученик во близина на Портланд во американската сојузна држава Орегон загинал, пренесува телевизиската мрежа FoxNews во вторникот навечер повикувајќи се на извештајот на локалната полиција.
Според телевизијата, осомничениот облечен во црна облека и вооружен со полуавтоматска пушка „АР-15″ вил блокиран во тоалетот. Напаѓачот, исто така, имал панцирен елек и специјален шлем. Други поединости не се соопштени.
За инцидентот во училиштето во градот Траутдејл локалниот интернет весник Oregonian објави дека осомничениот напаѓач наводно бил фатен во близина на локалната црква. Според весникот, тој имал уште двајца помагачи кои успеале да побегнат.
„Вооружениот маж утрово (по локално време) влегол во гимназијата и пукал врз еден ученик, којшто, за жал, почина. Напаѓачот е мртов”, изјавил Скот Андерсон, началник на полицијата во Тратдејл, прецизирајќи дека ситуацијата е под контрола, но не изнел повеќе детали за инцидентот, пренесува AFP.
Медиумите пишуваат дека во пукањето биел ранети уште неколку ученици, но тие информации не се официјално потврдени.
И во текот на простанатиот дел од денот силни полициски единици се распоредени околу гимназијата во којашто се случил нападот. Учениците биле евакуирана на паркингот, каде биле повикани и нивните родители за да ги одвезат.
Американската јавност наназад реиси две години постојано е потресувана од сѐ зачестените напади со огнено оружје во училиштата и универзитетските кампуси, Во неделата една двојка уби три лица, од кои двајца полицајци а потоа изврши самоубиство во Лас Вегас. На 5-ти јуни, едно лице загина а три беа ранети во пукањето на кампусот во еден од универзитетите во градот Сиетл, а на 23-ти мај студент уби шест лица на кампусот од универзитетот Санта Барабара./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.