Црна хроника
Кривична пријава за екс градоначалникот на Вевчани
Полицијата поднесе кривична пријава против поранешниот градоначалник на Вевчани Перо Илиески поради потпишување на противправни договори со кои го оштетил општинскиот Буџет.
Како што соопшти Министерството за внатрешни работи, Перо Илиески (46) во својство на градоначалник на Општина Вевчани спротивно на Законот за јавни набавки и без да распише потреба од јавна набавка за правни услуги, на адвокат од Струга за застапување на Општината му исплатил 1,025,583 денари.
„Исто така, во периодот 2009 – 2013 година пријавениот не превзел никакви мерки за да се заштитат имотните интереси на Општина Вевчани и без да се грижи за имотот и интересите на Општината која ја застапувал и претставувал, склучил и други противправни и спорни договори оштетувајќи го општинскиот буџет”, соопшти МВР./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.