Црна хроника
Запленети цигари, облека, дезодоранси, кучиња, фалсификати…
Во текот на минатата недела и викендот, царинските службеници открија повеќе обиди за криумчарење стока, при што привремено се задржани цигари, облека, ловџиски кучиња, пирсеви, пиштоли за дупчење уши, рачни алати, автостакла и фалсификати.
При контрола на патничко моторно возило со македонски регистарски таблички, управувано од македонски државјанин, пријавено за излез од државата на граничниот премин Богородица, мобилните царински тимови откриле 55 штеки цигари LD и Monte Karlo со македонски акцизни маркички.
Непријавените цигари пронајдени се во резервоарот на возилото, кој бил специјално преграден и адаптиран за криење стока. Покрај цигарите, привремено е задржано и возилото.
На граничниот премин Богородица, при контрола на патничко моторно возило со турски регистарски таблички, управувано од турски државјанин, пријавено за влез во државата биле откриени 2.240 парчиња шалови. Непријавените шалови се пронајдени во неколку торби и кеси, сместени во багажниот простор и во дополнително поставениот багажник на кровот на возилото.
Во два одвоени случаи од страна на мобилните царински тимови биле откриени 300 парчиња текстилни производи и 140 ПВЦ торби.
Во првиот случај при контрола на стока со потекло од Шпанија, наменета за увозник од Неготино, пријавена за увозно царинење на царинската испостава Гевгелија, пронајдени се 212 парчиња текстилни производи и 140 ПВЦ торби, што не биле опфатени со царинската декларација.
Во вториот случај, при контрола на автобус со српски регистарски таблички, што сообраќал на редовна линија Нови Пазар-Скопје, пријавен за влез во државата на граничниот премин Блаце, откриени се 88 парчиња текстилни производи (фармерки и бермуди).
Непријавената стока, сопственост на возачот, српски државјанин, пронајдена е во фабричка празнина кај десниот преден фар и во патна торба сместена во багажниот простор на автобусот.
На граничниот премин Дојран, при контрола на патничко возило со грчки регистарски таблички, пријавено за излез од државата биле пронајдени две ловечки кучиња од расите Тробоец и Балканец.
Возачот на возилото, грчки државјанин, се упатил директно на пасошка контрола, без да застане за царинска контрола. Полицискиот службеник забележал дека во багажниот простор има две кучиња и го прашал возачот дали има документи за истите, на што возачот покажал ветеринарни сертификати со објаснување дека кучињата му избегале и успеал да ги најде на територијата на Република Македонија.
Сепак полицискиот слубеник повикал царински службеник да изврши проверка со читач на баркод, а во тој момент возачот ја сменил изјавата и признал дека сертификатите не се за истите кучиња и дека кучињата ги купил од македонски државјанин./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил, ниту ги вратил парите
Педесет и седумгодишен жител на тетовско село, вчера во 14 часот и 40 минути во СВР Тетово пријавил дека 58-годишниот М.М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврати му платиле вкупно 11 илјади евра, извести СВР Тетово.
„Но, ниту фирмата им била отворена, ниту парите им ги вратил, по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.