Црна хроника
40-годишник во Кисела Вода го нападнал својот татко и му го запалил автомобилот
Скопската полиција привела 40-годишен маж откако бил пријавен дека физички го нападнал својот татко и му го опожарил автомобилот.
Како што соопштија од МВР, на 11 март 2026 година во 02:20 часот на подрачјето на Кисела Вода, полициски службеници од СВР Скопје го лишиле од слобода В.Т. (40) од Скопје.
Според пријавеното, околу 01:30 часот тој физички го нападнал својот 61-годишен татко, по што му го опожарил патничкото возило.
Пожарот бил изгаснат од екипа на Бригадата за противпожарна заштита Скопје, а увид на местото на настанот извршила увидна екипа од СВР Скопје.
По целосно документирање на случајот ќе следува соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Снимал на Криволак и објавувал видеа и слики на социјалните мрежи, полицијата го повика на разговор
Дваесет и едногодишен жител на Неготино снимал и фотографирал на Криволак, а потоа материјалот го објавувал на социјални мрежи.
Според информациите на МВР, вчера во 13:40 часот, Д.К. (21) од Неготино е службено испитан поради сомнение за сторено кривично дело „неовластено влегување во воени објекти и изработка на скици или цртежи на воени објекти и борбена опрема“, казниво по член 350 од Кривичниот законик.
Тој е осомничен дека на Криволак ги снимал и фотографирал возилата на воениот полигон во конвојот на Армијата и тоа го објавил јавно на социјална мрежа, со што ја нарушил безбедноста и тајноста на активностите што ги спроведува армијата.
Јавниот обвинител е известен за инцидентот и по документирањето на инцидентот ќе биде поднесен соодветен извештај, велат од МВР.
Црна хроника
Возило удри во бандера во Скопје: една жена тешко повредена, тројца со повреди
Една жена е тешко повредена, а тројца сопатници се здобиле со телесни повреди во сообраќајна несреќа што се случила вчера вечер во Скопје.
Несреќата била пријавена околу 18:00 часот на улицата „Шабан Рамети“, каде Д.Д. (22) од Германија, управувајќи патничко возило „шкода“ со скопски регистарски ознаки, изгубил контрола и удрил во бетонска бандера.
Во несреќата со тешки телесни повреди се здобила сопатничката А.Ф. (63), додека со телесни повреди се здобиле Ј.И. (60), Х.С. (56) од село Рашче и А.В. (56) од село Долно Свиларе.
Повредите биле констатирани во Градската општа болница „8 Септември“ во Скопје.
Увид на местото извршила екипа на СВР Скопје.
Црна хроника
Мајка на ученик физички нападна учителка на родителска средба во Скопје
Мајка на ученик физички нападнала учителка на родителска средба во основното училиште „Браќа Миладиновци“ на подрачјето на Општина Аеродром.
Според информациите на МВР, вчера во 22:10 часот во СВР Скопје, К.К.Л. од Скопје пријави дека околу 17:00 часот во училница во основно училиште на подрачјето на општина Аеродром, додека заедно со нејзина колешка одржувале родителска средба, М.М.Г. од Скопје, инаку мајка на ученик, физички ја нападнала К.К.Л..
Се преземаат мерки за расчистување на случајот.
