Тетовец лажно се претставувал како бизнисмен од Турција и измислувал приказни за наводни сообраќајни несреќи, телефонски измамил повеќе лица вработени во фирми од Бугарија, Србија, Албанија и Косово.

Пласирајќи им лажни приказни дека нивни вработени, најчесто возачи, загинале или се тешко повредени во сообраќајни несреќи и дека се потребни пари за погреб или лекување, тој успеал да се стекне со противправна парична корист од околу 9.000 евра. Парите преку филијали на извесна фирма ги подигнувал С.Ш. и потоа му ги давал на РМ, а тој, пак, за услугата му плаќал од 50 до 100 евра. Тоа го сторил во периодот од ноември минатата година до втората половина на јануари годинава, соошпшти МВР.

Секторот за внатрешни работи Тетово до Основното јавно обвинителство Тетово поднесе кривична пријава против 44-годишниот тетовец Р.М.(44), поради основи на сомнение дека сторил кривично дело измама и против С.Ш.(45) од с.Копаница, Скопско, поради основи на сомнение дека сторил кривично дело помагање и расчисти 24 измами.

Еден човек е тешко повреден откако автомобил удри во него додека преминувал пешачки премин на улицата Орце Николов, во близина на Министерството за одбрана.

Екипа на брзата помош е на терен со повредениот.

Сè уште нема детали како се случила несреќата и дали возачот на автомобилот бил под дејство на психотропни супстанци.

Маж и жена од Германија, а со потекло од Косово, се обиделе да ја напуштат земјава со прикажување фалсификувани ПЦР-тестови на Меѓународниот аеродром Скопје.

Основното јавно обвинителство Скопје поднесе обвинителен предлог против маж и жена, државјани на Германија по потекло од Косово, кои се товарат за кривично дело фалсификување исправа од член 378 став 1 од Кривичниот законик.

На 22 февруари, на Меѓународниот аеродром Скопје, на граничниот премин при излез од државава, пред овластените службени лица за проверка на пасошите, двајцата сопружници употребиле лажни потврди за негативни ПЦР-тестови за SARS-CoV-2 вирус. Иако знаеле дека потврдите на кои стоело дека се издадени од една лабораторија во Скопје се лажни, тие ги прикажале како вистински.

По признание на вина, Основниот кривичен суд Скопје донесе пресуда за двајцата обвинети, огласувајќи ги за виновни и им изрече условна осуда – казна затвор во траење од две години, која нема да се изврши доколку обвинетите за време од пет години не сторат ново кривично дело. Во исто време, на обвинетите им е изречена и казна – протерување од територијата на Република Северна Македонија во траење од пет години.​