Црна хроника
Албански државјани криумчареле мигранти и се обиделе да поткупат полицајци
Албански државјани се обиделе да прокриумчарат седум мигранти од Сирија и Ирак, а еден од нив кога го запрела полицијата се обидел да ги поткупи полицајците. Против двајцата албански државјани од Поградец и Либразд се поднесени кривични пријави за криумчарење на мигранти, а против едниот и за давање поткуп.
Во понеделникот во 20.45 часот полицајци на автопат Демир Капија, кај наплатна рампа Градско, забележале две возила марка “Голф“ со албански регистарски ознаки и марка “Ауди“ со грчки регистарски ознаки во кои се превезувале повеќе луѓе. Прв се движел голфот кој заминал во правец кон Скопје, а полициските службеници го следеле „аудито“ се до Каласлари каде што го запреле. При контрола било утведено дека возилото е сопственост на дваесет и деветгодишен жител на албанскиот град Либразд кој го управувал автомобилот. Во возилото биле откриени тројца илегални мигранти на возраст од 25 до 34 години, двајца од Сирија и еден од Ирак. При контролата возачот, во својот пасош ставил прво 100 за да го ослободат, а потоа и уште 100 кои ги понудил на полицајците. Во тој момент полициските службеници забележале дека “голфот“ со албански регистарски таблички излегува од бензинската пумпа кај Каласлари и се упатува во правец кон Скопје, па едниот полицаец со службеното возило се упатил по него при што дал знак да застане возилото, со вклучување на рото светло и звучна сирена, но “голфот“ не застанал. Во близина на клучката за Велес и Штип, од возилото се симнале патниците по што “голфот“ продолжил да се движи уште 50-100 метра по што бил запрен.При контролата е утврдено дека “голфот“ било сопственост и управуван од дваесет петгодишниот албански државјанин од Поградец. На задното седиште во возилото се пронајдени торбици од лицата кои се превезувале во истото, а подоцна покрај патот се пронајдени и лицата при што е утврдено дека се работи за четворица илегални мигранти од Сирија на возраст од шест години, две лица на возраст од 27 години и едно 25 годишно лице. Заради расветлување на целиот случај, сите се приведени во полициската станица во Велес. Приведените кажле дека едниот ги прифатил мигрантите во близина на Гевгелија, а другиот во близина на Демир Капија во правец кон Скопје. /крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.