Црна хроника
Албански државјанин ограбувал цркви во Радожда
Албански државјанин ограбил три цркви во струшкото село Радожда, соопшти Министерството за внатрешни работи.
Дваесет ичетиригодишниот М.М. од албанското село Катодеш во периодот од мај до јули ги ограбил црквите „Св.Петка“, „Св.Архангел Михаил“ и „Св.Недела“ во село Радожда, струшко.
Тој илегално ја преминувал македонско-албанската граница по што вршел обиколка низ Радожда и во погоден момент влегувал во црквите кадешто насилно и со физичка сила ги отворал влезните врати, влегувал внатре и одземал пари при што присвоил околу 3.000 денари.
По извршувањето на кражбите, М.М. по илегалниот пат се враќал назад во родното село.
Полицијата поднесе кривична пријава против него за сторени три кривични дела „тешка кражба“ и му е одредена мерка притвор во траење до осум дена.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.