Црна хроника
Алфи нападнати при обид да уапсат осудено лице
Алфи биле нападнати во петок попладне во обид да приведат лице што се барало за издржување на казна затвор.
Како што соопшти полицијата, околу 16.00 часот екипа на Алфа единицата пријавила дека на ул. „Ферид Бајрам“ го забележале А.Ќ., кој се бара за издржување казна затвор од 4 години со автомобил „мерцедес“ со скопски регистарски ознаки. Тој не ја послушал нивната наредба да го запре возилото и со голема брзина се упатил кон населбата Железара. Екипата тргнала во потрага по лицето и возилото, каде на ул.„Перо Наков“ А.Ќ. со автомобилот удрил во „поло“ со скопски регистарски ознаки, сопственост на МВР на РМ. Во сообраќајната незгода тројца полициски службеници се здобиле со повреди и со возило на Итна медицинска помош биле пренесени во Ургентен центар. Повредените по укажаната лекарска помош се пуштени на домашно лекување. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.