Црна хроника
Арамиите си заминале со богат плен од две кражби во Скопје
Две кражби се случиле во понеделникот во Скопје, при што арамиите си заминале со вкупно 16.500 евра и златен накит.
Во понеделникот во периодот од 07,45 до 16,20 часот во Скопје на бул. „Јане Сандански“ непознат сторител со употреба на погоден алат извршил тешка кражба во станот на З.П.(55) од Скопје, при што одзел 12.500 евра, турска кама и златен накит.
Истиот ден во периодот од 21,00 до 23,30 часот во Скопје на ул. „Миле Поп Јорданов“ непознат сторител со употреба на физичка сила извршил тешка кражба во станот на С.Ј.(46) од Скопје, при што одзел 4.000 евра и златен накит.
Се преземаат мерки за пронаоѓање на сторителите. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.