Црна хроника
Авганистански тинејџер најден крај шини почина по тешки повреди
Шеснаесетгодишен државјанин на Авганистан почина во неделата навечер на пат кон скопските клиники, откако со многубројни повреди бил пронајден покрај шините на железничката пруга Демир Капија – Неготино.
Полициската станица во Неготино околу 22 часот во неделата до службата за Итна медицинска помош била известена дека истиот ден околу 19 часот кај местото Прждевски споменик, покрај шините е најдено лице со бројни повреди по целото тело.
Поради сериозноста на повредите лицето е пренесено во Медицинскиот центар во Кавадарци, од каде поради сериозноста на повредите со возило на брзата помош е префрлено во Универзитетскиот ценатар-Скопје, но на пат починало.
Полицијата ги истражува околностите за смртните повреди кај 16 годишниот државјанин на Авганистан.
Во изминатиот период на територијата на Македонија се случија неколку трагедии на железничките пруги во кои смртно настрадаа илегални имигранти од Блискиот исток. Најтрагична е онаа од 23-ти април, кога на делницата Велес – Скопје, во налет на возот на линијата Гевгелија – Белград беа усмртени 14 имигранти од Сомалија и Авганистан./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Црна хроника
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.
Црна хроника
Три лица искасани од кучиња скитници во Скопје
Три лица пријавиле во полициските станици во Скопје дека биле каснати од куче скитник во текот на вчерашниот ден, извести МВР.
На 28.03.2024 во 18.45 часот во Полициската станица Аеродром, Л.Ј.(64) од Скопје пријавила дека на пешачка патека во населбата Ново Лисиче во Скопје била касната од куче скитник.
На 28.03.2024 во 12.40 часот во Полициската станица Карпош, М.Ч.(34) од с.Катланово, скопско, пријавила дека на бул.„Митрополит Теодосиј Гологанов“ во Скопје била касната од куче скитник.
На 28.03.2024 во 17.00 часот во Полициската станица Гази Баба, А.Д.(21) од Скопје пријавил дека на ул.„Финска“ во Скопје бил каснат од куче скитник.