Црна хроника
Автомобил пропаднал во река, возачот се удавил, уште седуммина тешко повредени во сообраќајки
Автомобил марка „мерцедес бенз“ во четвртокот вечерта во 19 часот пропаднал во Бучимска река, а возачот на автомобилот се удавил. Други седум лица се тешко повредени во одделни сообраќајки што се случиле низ Македонија во понеделникот и во неделата.
Автомобилот „мерцедес“ се движел по магистралниот пат Радовиш – Штип, кога кај местото Пилав тепе, возачот изгубил контрола, излетал на левата страна во насока на движење надвор од коловозот каде се превртел во провалија и пропаднал во течението на Бучимска река, по што застанал превртен на кровот. Седумдесет и двегодишниот возач од село Брод, општина Новаци се удавил, додека тројцата сопатници останале неповредени.Во неделата во 20.20 часот се случила сообраќајка на регионалниот пат Струмица – село Вељуса – село Ангелцо. Се судриле два автомобили со струмички регистерски ознаки при што повредена е деветнаесетгодишна сопатничка од Скопје.Три автомобили учествувале во сообраќајка којашто во понеделникот наутро го блокираше сообраќајот на магистралниот пат Градско Прилеп. Со тешки повреди се здобиле двајца сопатници кои биле пренесени во кавадаречката болница.Автомобил„цитроен ксара“ со српски регистерски таблици се превртело во неделата попладне во 15 часот на автопатот Скопје – Тетово. Србинката која го управувал возилото се здобила со тешки повреди додека сопатничката се здобила со полесни повреди. Тешко повредена малолетничка има и во сообраќајка што се случила во понеделникот во Охрид меѓу автомобил „хјундаи“, управуван од седумдеет и едногодишен битолчанец, „фолсваген бора“ со кое управувало шеснаесетгодишно момче од Охрид и работна машина „рига“. повредено е седмнаесетгодишно девојче кое било сопатни „фолксвагенот“. Од болницата „Свети Еразмо“ повредената е пратена на хируршка интервенција во болницата „Систина“ во Скопје.Шеесет и тригодишна жена пешак е тешко повредена во сообраќајка што се случила во понеделникот во Тетово на крстосницата од улицата „Благоја Тоска“ и улицата „Борис Кидрич“. Камион „сканија“ со приколка со велешки регистарски ознаки, управувано од Т.К.(50) од Велес, удрило во пешакот Н.З. (65) од Тетово. Во незгодата со тешки телесни повреди се здобила Н.З. и истата со екипа на Итната медицинска помош била пренесена во Клинички центар Тетово од каде поради сериозноста на повредите како итен случај била препратена во Ургентен центар Скопје. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Србин претепал скопјанец по недоразбирање во сообраќајот
Во 02.15 часот во Скопје, полициски службеници од Полициската станица Аеродром го лишиле од слобода М.И.(26) од Република Србија, постапувајќи по претходна пријава дека околу 21.15 часот на 28.03.2024 на подрачјето на општина Аеродром во Скопје, по претходно недоразбирање во сообраќајот, физички го нападнал Д.Ј.(21) од Скопје.
Притоа, Д.Ј. се здобил со тешки телесни повреди констатирани во Комплекс клиники „Мајка Тереза“.
По целосно документирање на случајот ќе следува соодветен поднесок.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.